Featured News Sinhala Column Womens Cricket

චමරිට මෙල්බර්න් රෙනගේට්ස් නියෝජනය කිරීමට ආරාධනයක්

    ශ්‍රී ලංකාවේ 20-20 කාන්තා ක්‍රිකට් නායිකාව චමරි අතපත්තුට ඕස්ට්‍රේලියාවේ මෙල්බර්න් රෙනගේට් කණ්ඩායම නියෝජනය කිරීමට ආරාධනයක් ලැබී ඇත. ඕස්ට්‍රේලියාවේ බිග් බෑෂ් කාන්තා 20-20 ලීග් තරගාවලියට කණ්ඩායම් අටක් ඉදිරිපත්ව සිටින අතර මෙල්බර්න් රෙනගේට්ස් එහි ඉදිරියෙන්ම සිටින කණ්ඩායමකි.

    චමරි අතපත්තු මීට කළින්ද රෙනගේට්ස් කණ්ඩායම නියෝජනය කර තිබේ. පසුගියදා පැවැති ශ්‍රී ලංකා කාන්තා ක්‍රිකට් කණ්ඩායමේ ඕස්ට්‍රේලියා සංචාරයේදී චමරි 20-20 සහ එක්දින තරගාවලියන් දෙකේදීම ශතක ලබා ලකුණු අතර සිටි අතර එම හේතුව මත ලබන වසරේද (20-20) චමරිට රෙනගේට්ස් කණ්ඩායම නියෝජනය කරන ලෙස ඉල්ලීමක් කර ඇතැයි චමරි අතපත්තු කියයි.

    පර්ත්,සිඩ්නි ඇඩිලේඩ් ආදී ඕස්ට්‍රේලියාවේ ප්‍රධාන නගර මුල්කරගෙන කණ්ඩායම් අටක් “බිග් බෑෂ් ” තරගාවලියට සහභාගි වන අතර එක් කණ්ඩායමකට ලොව ප්‍රබලම ක්‍රීඩිකාවන් තිදෙනෙකු බැගින් සහභාගි කරවා ගැනීමට සංවිධායක මණ්ඩලය එම කණ්ඩායම්වලට අවසරය ලබාදී තිබේ.

    මේ  තරගාවලියට සහභාගි කරගන්නා ක්‍රීඩිකාවනට ඕස්ට්‍රේලියානු ඩොලර් 35,000 – 40,000 බැගින් ලබාදෙන අතර දක්ෂතා සහ සහභාගිවන තරග අනුව එය වරින් වර වෙනස්වේ.

    චමරි අතපත්තු 2017-18 වසරයන්හි මෙම තරගාවලියට සහභාගිවී අවසාන පූර්ව තරගයට පවා තේරිණි.මෙල්බර්න් රෙනගේට්ස් කණ්ඩායමට ගියවර නවසීලන්ත ක්‍රීඩිකාවන් දෙදෙනෙක්ද මෙවර එංගලන්ත ක්‍රීඩිකාවන් දෙදෙනාත් ද විදේශ ක්‍රීඩිකාවන් ලෙසට සහභාගිවිණි. ගියවර චමරි වැඩිම ලකුණු ලැබු දෙවැනි ක්‍රීඩිකාවක බවට පත්වූවාය.

බන්දුල මොල්ලිගොඩ

Related posts

Sri Lanka Emerging Team trounce Bangladesh Emerging Team on heroics of Hasaranga (70 & 4/12) and Asalanka 71

Web Admin

West Indies arrive for 3 ODIs and 2 T20Is vs. Sri Lanka

Web Admin

Sri Lanka squad takes wing tomorrow

Web Admin