News Sinhala Column Womens Cricket

ලෝක කුසලානයට පෙර තවත් තරගාවලියක් සංවිධානය වනවා නම් හොඳයි – ගාල්ල නායිකාව නිලක්ෂි ද සිල්වා කියයි

අපට පුහුණුවීමට ලැබෙන්නේ පැති විකට්ටුවලයි. ක්‍රීඩාංගණය මැද තණතිල්ලේ ක්‍රීඩා කරන්නේ මෙවැනි තරගාවලියකදී පමණක් හෙයින් මේ තරගාවලිය වැදගත්වනවා. යහපත් දේශගුණික තත්ත්වයක් තිබී එක් කණ්ඩායමක් සමග තරග දෙක බැගින් තරග හයකටවත් ක්‍රීඩාකළා නම් අපට හොඳටම පුහුණුවක් ලබා ගැනීමට අවස්ථාව තිබූ බව ගාල්ල කණ්ඩායමේ නායිකාව නිලක්ෂි ද සිල්වා ප්‍රකාශ කරයි.

මෙම තරගාවලිය සංවිධානය කිරීමෙන් වැඩිම ප්‍රයෝජන අත්වන්නේ නැගී එන තරුණ ක්‍රීඩිකාවන්ගේ කණඩායමටයි. ඊට හේතුව වන්නේ ඔවුන් දෙසැම්බර් මස මුලදී නේපාලයේ සාග් තරගාවලියට සහභාගිවන නිසා මෙහිදී ප්‍රබල ජාතික ක්‍රීඩිකාවන් සමග තරගවැදී නේපාලයට ගියවිට එහිදී තරග කිරීම ඔවුනට පහසුවනවා. අනෙක් අතින් ලෝක කුසලානයට යන සියළුම ක්‍රීඩිකාවනට මෙය හොඳ පෙරහුරු තරගාවලියක් යැයි නිලක්ෂි ද සිල්වා කියයි.

          ක්‍රිකට් ආයතනය ලබාදෙන පහසුකම් පිළිබදව ක්‍රීඩිකාවන් හා පුහුණුකරුවන් සියල්ල සතුටුවනවා. අපට ක්‍රීඩාංගණයේ මැද තණතිල්ලේ ක්‍රීඩා කිරීමට අවස්ථාව වැඩිපුර ලබාදෙනවා නම් වඩා හොදයි.ඒ වගේම දේශගුණයෙන් මේ තරගාවලියට වැඩිපුර බාධා ඇතිවනවා නම් ලෝක කුසලානයට යාමට පෙර තවත් තරගාවලියක් සංවිධානය කර දෙන මෙන් මා ක්‍රිකට් ආයතනයෙන් ඉල්ලා සිටිනවා යැයි ගාල්ල නායිකාව කියයි.

          අපට මේ තරගාවලියේදී ලොකු දෙයක් කිරීමට ශක්තියක් තිබූ බව මගේ විශ්වාසයයි. ඊට හේතුව මා සමග උදේශිකා ප්‍රබෝධනී, ඉනෝකා රණවීර අනුෂ්කා සංජීවනී,මධුශිකා මෙත්තානන්ද සහ මල්ෂා ෂෙහානී වැනි ප්‍රබලම ක්‍රීඩිකාවන් කණ්ඩායම ඇතුළත්ව තිබීමයි. අපගේ අපේක්ෂාව වී තිබුණේ අවසාන තරගයට සුදුසුකම් ලබා ගැනීම බවද නිලක්ෂි ද සිල්වා පැවසූවාය.

ගාල්ල පුහුණුකරු රෝහිත පෙරේරා මෙසේ කියයි.

උත්පත්තියෙන්ම ක්‍රීඩාවට දක්ෂ තරුණ ළමයි අපේ කණ්ඩායමේ සිටිනවා. අපට තිබෙන්නේ ඔවුන් ඔපමට්ටම් කරදීම පමණයි. කෙටිකාලීන  හා දීර්ඝ කාලීන දෙආකාරයෙන්ම පුහුණු කළ යුතු ක්‍රීඩිකාවන් අප සතුයි. මෙවැනි තරගාවලි ඔවුනට විශාල පිටුවහලක්.

ජ්‍යෙෂ්ට ක්‍රීඩිකාවන් පිළිබදව කිවහොත් යශෝධරා මෙන්ඩිස් ජාතික කණ්ඩායමෙන් ආරම්භක පිතිකාරිණියයි. අනූෂා සංජීවනි ආරම්භක පිතිකාරිණියක් හෝ අංක තුනෙහි ක්‍රීඩාකරනවා. නායිකාව නිලක්ෂි දක්ෂ තුන් ඉරියව් ක්‍රීඩිකාවක්. උදේශිකා ප්‍රබෝධනී ජාතික කණ්ඩායමේත් ආරම්භක පන්දු යවන්නියයි. ඉනෝකා රණවීර වඩා දක්ෂ ලෙස පා දග පන්දු යවනවා. අප සතුව සමබර කණ්ඩායමක් සිටිනවා යැයිද ගාල්ල පුහුණුකරු රෝහිත පෙරේරා කියයි.

බන්දුල මොල්ලිගොඩ

-The opinions expressed here are the views of the writer and do not necessarily reflect the views and opinions of Sri Lanka Cricket-

Related posts

ශ්‍රී ලංකාවට එරෙහි ටෙස්ට් සටනට දස වසරකට පසු ෆාවඩ් අලාම්ට කැඳවුම්

Web Admin

පළමු දිනයේදී කඩුලු 13 ක් බිඳ වැටෙති

Web Admin

ඉතිහාසය අළුතින් ලියැවීමේ අදිටනින් ශ්‍රී ලංකා පිල හෙට යළිත් ලාහෝර් පිටියට

Web Admin