Featured Media Centre News

මාලිංගගේ දක්ෂතාව නිසා විස්සයි-20 ශ්‍රේණිගත කිරීමත් හෙළවෙයි

නවසීලන්තයට එරෙහිව පැවැති විස්සයි-20 තරගාවලියේදී දක්වන ලද දක්ෂතා හේතුවෙන් අන්තර්ජාතික ක්‍රිකට් සභාවේ විස්සයි-20 ශ්‍රේණිගත කිරීම්හි වෙනසක් සිදු කරමින් ඉදිරියට පැමිණීමට ලසිත් මාලිංග ඇතුළු ක්‍රීඩකයින් කිහිප දෙනෙක් සමත්ව සිටියි.

විස්සයි-20 ක්‍රිකට් තරගවල මෙතෙක් බිහි වුණු විශිෂ්ඨතම පන්දු යවන්නා ලෙසින් සැලකෙන ලසිත් මාලිංග, නවසීලන්තයට එරෙහිව පැවැති අවසන් විස්සයි-20 තරගයේදී පිට පිට පන්දු 4 ක් ඇතුළත දවා ගන්නා කඩුලු 4 ද ඇතුව ලබා ගත් කඩුලු 5 හේතුවෙන් 21 වැනි ස්ථානය දක්වා ඉදිරියට පැමිණීමට මාලිංගට අවස්ථාව උදා වී තිබේ.

මෙම තරගාවලිය ආරම්භයට පෙර 41 වැනි ස්ථානයේ රැඳී සිටි මාලිංග මෙම තරගාවලියේදී කඩුලු 7 ක් දවා ගැනීමට සමත්විය. මාලිංගට අමතරව පළමු තරග 2 දී පිතිකරුවකු ලෙස දක්ෂතා දැක්වීමට සමත් වූ කුසල් මේඩිස් පිතිකරුවන්ගේ ලැයිස්තුවේ ස්ථාන 33 ක් ඉදිරියට පැමිණෙමින් 40 වැනි ස්ථානයේද නිරෝෂන් දික්වැල්ල ස්ථානය 28 ක් ඉදිරියට පැමිණෙමින් 54 වැනි ස්ථානය දක්වා ඉදිරියට පැමිණ සිටින අතර පන්දු යවන්නන් අතර ඉසුරු උදාන 50 වැනි ස්ථානයටද ලක්ෂාන් සඳකැන් 70 වැනි ස්ථානය දක්වා ඉදිරියට පැමිණීමට සමත්ව සිටින ක්‍රීඩකයෝ වෙති.

කණ්ඩායම් ශ්‍රේණිගත කිරීමෙහි ජාත්‍යන්තර ක්‍රිකට් කවුන්සිලයේ නවතම යාවත්කාලීනයට අනුව ශ්‍රී ලංකාව තවමත් 8 වැනි ස්ථානයේ රැදී සිටියි. පාකිස්තානය එම සටහනේ පෙරමුණේ පසුවද්දී ශ්‍රී ලංකාවේ ප්‍රතිවාදීන් වූ නවසීලන්තය 6 වැනි ස්ථානයේද රැඳී සිටියි.

Related posts

“මෙරටෙන් හෝ විදේශයකින් ආරාධනයක් ලදොත් පුහුණුකරුවකු වනවා” ලසිත් මාලිංග

Web Admin

නවසීලන්තයෙන් අභියෝගාත්මක පිළිතුරක්

Web Admin

පාකිස්තානු ක්‍රිකට් ප්‍රධානියා අතින් බන්දුල වර්ණපුරට සමරු තිළිණයක්

Web Admin