Featured Media Centre News Sri Lanka tour of Pakistan 2019

දින 3674 කට පසු ඇරැඹි ටෙස්ට් තරගයේදී පාකිස්තානය පන්දුවට පහර දෙයි

ශ්‍රී ලංකාවට එරෙහිව කරච්චි ජාතික ක්‍රීඩාංගණයේ අද (19 දා) ආරම්භ වුණු දෙවැනි ටෙස්ට් ක්‍රිකට් තරගයේ කාසියේ වාසිය දිනූ සත්කාරක පාකිස්තානු කණ්ඩායම ප්‍රථමයෙන් පන්දුවට පහර දීමට තීරණය කළේය. පිතිකරුවන්ට දක්වනු ලබන වාසිය ප්‍රයෝජනය ගනිමින් එම තීරණයට එළැඹි බව පාකිස්තානු නායක අසාර් අලී කාසියේ වාසියෙන් අනතුරුව පවසා සිටියේය.

කරච්චි තණතීරුවේ දඟ පන්දු යවන්නන්ට ලබා දෙනු ලබන වාසිය ලබා ගැනීමේ අරමුණ ඇතිව දෙපිළම මෙම තරගයට විශේෂඥ දඟ පන්දු යවන්නකුගේ සහාය ලබා ගනිමින් තරගයට පිවිස සිටියි. ශ්‍රී ලංකා ක්‍රිකට් වෙබ් අඩෙවිය සඳහන් කළ ආකාරයටම මෙම තරගයේදී පාකිස්තානය උස්මාන් ශින්වාරි වෙනුවට පිට දඟ පන්දු යසීර් ෂාවද, ශ්‍රී ලංකාව කසුන් රජිත වෙනුවට වමත් දඟ පන්දු යවන ලසිත් ඇඹුල්දෙණියවද කැඳවමින් අවතීර්ණ වී සිටිති.

මේ අතර කාසියේ වාසිය අහිමිවීම පිළිබඳව අදහස් දක්වා සිටි ශ්‍රී ලංකා නායක දිමුත් කරුණාරත්න, කාසියේ වාසිය හිමි වූයේ නම් තමන්ද ප්‍රථමයෙන් පන්දුවට පහර දීමට කටයුතු කරන බව සඳහන් කර සිටියේය. “ඇත්තටම අපිටත් ඕන වුණේ පන්දුවට පහර දෙන්න. මොකද මේ තණතීරුව ගොඩක්ම පිතිකරුවන්ට හිතකර දායක බව පෙන්නුම් කරන නිසා. මුලින් පන්දුවට පහර දීලා ලොකු ලකුණු සංඛ්‍යාවක් ලකුණු පුවරුවේ රඳවා ගන්න තමයි අපි අදහස් කළේ. නමුත් අවාසනාවකට කාසියේ වාසිය පැරදුණා”යි කරුණාරත්ව වැඩිදුරටත් පැවැසීය.

ශ්‍රී ලංකා කණ්ඩායම ඉලක්ක කර ගනිමින් 2009 වසරේදී එල්ල වුණු ප්‍රහාරයෙන් පසු කරච්චි ජාතික ක්‍රීඩාංගණයේ ටෙස්ට් තරගයක් ක්‍රියාත්මක වන්නේ දින 3674 කට පසුව වීම කැපී පෙනෙයි.

ශ්‍රී ලංකා පිල – 1. දිමුත් කරුණාරත්න, 2. ඕෂධ ප්‍රනාන්දු, 3. කුසල් මෙන්ඩිස්, 4. ඇන්ජලෝ මැතිව්ස්, 5. දිනේෂ් චන්දිමාල්, 6. නිරෝෂන් දික්වැල්ල, 7. ධනංජය ද සිල්වා, 8. දිල්රුවන් පෙරේරා, 9. විශ්ව ප්‍රනාන්දු, 10. ලසිත් ඇඹුල්දෙණිය, 11. ළහිරු කුමාර.

පාකිස්තානු පිල – 1. ශාන් මසූඩ්, 2. අබීඩ් අලී, 3. අසාර් අලී (නායක), 4. බාබර් අසාම්, 5. හැරිස් සොහෙල්, 6. අසාද් ශෆික්, 7. මොහොමඩ් රිස්වාන් , 8. යසීර් ෂා,  9. මොහොමඩ් අබ්බාස්, 10. නසීම් ෂා, 11. ශහීන් අෆ්රිඩි

Related posts

පළමු විස්සයි-20 වැස්සට දිය වෙයි

Web Admin

A highly secure Bio-Bubble System in place for LPL

Web Admin

Gunathilaka 98, Samarawickrama 80 as Sri Lanka Board President’s XI amass 326/6 vs New Zealand

Web Admin