Sinhala Column Under 19

ශ්‍රී ලංකා 19න් පහළ ක්‍රීඩකයෝ තුන්කොන් සූරතාව දිනාගනිති

බටහිර ඉන්දීය කොදෙව් දූපත්හි පැවැති ශ්‍රී ලංකා එංගලන්ත බටහිර ඉන්දීය කොදෙව් දූපත් අවුරුදු 19න් පහළ තුන්කොන් ක්‍රිකට් තරගාවලියේ සූරතාව ශ්‍රී ලංකා අවුරුදු 19න් පහළ (යෞවනයන්) කණ්ඩායම දිනාගත්තේ අවසාන මහා තරගයේදී  ලකුණු 77කින් ප්‍රබල එංගලන්තය පහසුවෙන්ම පරාජයට පත්කරමිනි.

මුලින් පන්දුවට පහරදුන් ශ්‍රී ලංකා කණ්ඩායම ඕවර 50 අවසානයේ කඩුලු 9කට ලබාගත් ලකුණු 265ට පිළිතුරු ලෙස එංගලන්ත යෞවනයනට ඕවර 43.1කදී ලබාගත හැකි වූයේ ලකුණු 188කි. ලෝක කුසලාන අවුරුදු 19න් පහළ තරගාවලිය අතලග තිබියදී ශ්‍රී ලංකා ක්‍රීඩකයන් ලත් මේ අනගි ජයග්‍රහණය එම තරගාවලියට සූදානම් වීමට සුබ පෙර නිමිත්තකි. තරගයේ වීරයා වූයේ නවෝද්‍ය පරණවිතානය.

ශ්‍රී ලංකා ජයග්‍රහණය සදහා ලංකා ආරම්භක පිතිකරු නවෝද්‍ය පරණවිතාන පන්දු 119කදී (මිනිත්තු 142යි) හතරේ 16ක් සමග ලබාගත් ලකුණු 108 බෙහෙවින් දායකවිණි. ශ්‍රී ලංකා පළමු කඩුල්ලට පරණවිතාන සමග කමිල් මිෂාර (ලකුණු 69යි පන්දු 84 මිනිත්තු 85යි හතරේ 7යි හයේ එකයි) එක්ව ඕවර 24.5කදී  ලබාගත් ලකුණු 124 මේ තරගාවලිය පුරාම ලැබූ අගනාම සබදතාවයකි. ලංකා දෙවන විකට්ටුවට පරණවිතාන සමග රවිදු රසන්ත තවත් ලකුණු 65ක සබදතාවයක් තබාගත්තේ ලංකා ලකුණු පුවරුව කඩුල්ලකට ලකුණු 189 දක්වා ඉහළ නංවමිනි.

          රවිදු රසන්ත පන්දු 36කදී හතරේ පහරක් සමග ලකුණු 20ක්ද අහන් වික්‍රමසිංහ වේගවත් පිතිහරඹයක නිරතව පන්දු 20කදී ලකුණු 25ක් ලැබුවේ හතරේ තුනක් සමගිනි.

          එංගලන්තය වෙනුවෙන් ජේ.කොක්ස් 77ක්ද (පන්දු 102යි හතරේ හතරයි හයේ එකයි) ඒ.හේන්ස් 32ක්ද, පී.ගෝල්ඩ්ස්වර්ති 31ක්ද ලැබූහ. නැවතවරක් විශිෂ්ට පන්දු යැවීමක නිරත වූ කවිදු නදීෂාන් ලකුණු 43කට කඩුලු 3ක් දවාලූවේය.

  • ශ්‍රී ලංකා 19න් පහළ කණ්ඩායම ඕවර 50 කඩුලු 9ට 265යි.

නවෝද්‍ය පරණවිතාන 108යි, කමිල් මිෂාර 69යි, අහන් වික්‍රමසිංහ 25, රවිදු රසන්ත 20, ජී.බැල්ඩර්සන් 55ට 4යි, ආර්.කුලන් 43ට 3

  • එංගලන්ත 19න් පහළ පිල ඕවර 43.1දී 188යි.

ජේ.කොක්ස් 77, ඒ.හේන්ස් 32, ජේ.ගෝල්ඩ්ස්වර්ති 31, කමිදු නදීෂාන් 43ට 3, අෂේන් ඩැනියෙල් 25ට 2, සුධීර තිලකරත්න 31ට 2

බන්දුල මොල්ලිගොඩ

-The opinions expressed here are the views of the writer and do not necessarily reflect the views and opinions of Sri Lanka Cricket

Related posts

සමාරම්භක තරගයේදී ඉන්දීය යොවුන් පිලට පහසු ජයක්

Web Admin

ලෝක කුසලානෙට පෙර කාන්තා පිලට පුහුණු තරග 12 ක්

Web Admin

Eighteen-year old leggie Kavindu Nadeeshan emerges as potential candidate for the future

Web Admin