News Schools Cricket Sinhala Column

දිස්ත්‍රික් තරු ඇගැයෙන කළුතර දිස්ත්‍රික් ක්‍රිකට් සම්මාන උළෙල 15 දා

ශ්‍රී ලංකා ක්‍රිකට් ආයතනයේ වත්මන් සභාපති ශම්මි සිල්වා මහතාගේ සංකල්පයකට අනුව මෙරට දිස්ත්‍රික්ක පුරා ක්‍රිකට් ක්‍රීඩාවේ නිරතව සිටින ක්‍රීඩකයින් සහ ක්‍රිකට් ක්‍රීඩාව වෙනුවෙන් ඇප කැපව සේවය කරන ලද පිරිස දිරිගැන්වීමේ අරමුණ ඇතිව දිස්ත්‍රික්ක පුරා පවත්වනු ලබන සම්මාන ප්‍රදානෝත්සව වැඩසටහන් මාලාවේ කළුතර දිස්ත්‍රික් ත්‍යාග ප්‍රදානෝත්සවය පෙබරවාරි මස 15 වැනිදා (සෙනසුරාදා) ප.ව. 6 සිට බණ්ඩාරගම කිදෙල්පිටිය කැම්වෙල්ටා උත්සව ශාලාවේදී පැවැත්වේ.

මෙවැනි ආකාරය සම්මාන උත්සවයක් කළුතර දිස්ත්‍රික්කයේ පවත්වනු ලබන පළමු අවස්ථාව බවට පත්වන මෙම සම්මාන ප්‍රදානෝත්සවයේදී ක්‍රීඩකයින්, පුහුණුකරුවන්, විනිසුරුවරුන් මෙන්ම ඒ සඳහා ඇප කැපව සේවය කරන ලද සුවිශේෂී පුද්ගලයින් ඇගැයීමට ලක් කෙරෙනු ඇත. මේ සුවිශේෂී අවස්ථාවට ප්‍රධාන අමුත්තන් ලෙසින් ශ්‍රී ලංකා ක්‍රිකට් ආයතන සභාපති ශම්මි සිල්වා, ලේකම් මොහාන් ද සිල්වා සහ උප සභාපති රවීන් වික්‍රමරත්න යන මහත්වරුන් සහභාගිවීමට නියමිතය.

බස්නාහිර පළාත් සභාවේ අනුදැනුම ඇතිව කළුතර දිස්ත්‍රික්ක ක්‍රිකට් සංගමය විසින් මෙම සම්මාන උළෙල මෙහෙයවනු ඇත. ඒ අනුව කළුතර දිස්ත්‍රික් ක්‍රිකට් සංගමය විසින් පවත්වන ලද අවුරුදු 15 න් සහ 19 න් පහළ දිස්ත්‍රික් තරගාවලියන්ගේ දක්ෂතා දක්වන ලද ක්‍රීඩකයින් සහ පාසල් මට්ටමේ දක්ෂතා දක්වන ලද ක්‍රීඩකයින් මෙන්ම දිස්ත්‍රික් ක්‍රිකට් සංගමයට අනුබද්ධ, තෙවැනි පෙළ ක්‍රිකට් ක්‍රීඩා කරනු ලැබූ ක්‍රීඩා සමාජයන්හි දක්ෂතා දක්වන ක්‍රීඩකයින් එදින සම්මාන ලබනු ඇත.

මේ අතර මෙම ක්‍රිකට් සම්මාන උළෙලේ විශේෂ අවධානයක් යොමු වුණු සම්මානයක් වන ක්‍රිකට් ක්‍රීඩාව වෙනුවෙන් සිදු කරන ලද විශිෂ්ඨතම සේවාව අගයමින් ජීවිතයට එක් වරක් පමණක් පිදෙන ඇගැයීම් සම්මානයක්ද පිරිනැමීමට නියමිතව තිබේ. මෙම සම්මාන ලාභීන් තෝරා ගැනීමේ වගකීම අදාළ දිස්ත්‍රික් වෙත ලබාදීමට ශ්‍රී ලංකා ක්‍රිකට් ආයතනය කටයුතු යොදා තිබෙන කළුතර දිස්ත්‍රික් ක්‍රිකට් සංගමය විසින් පත් කරන ලද කමිටුවක් හරහා සම්මානලාභීන් තෝරාගෙන තිබේ.

මීට අමතරව ශ්‍රී ලංකා ක්‍රිකට් ආයතනය විසින් දීපව්‍යාප්තව සංවිධානය කරන පුහුණුකරුවන් අධ්‍යනය සහ දැනුවත් කිරීමේ වැඩසටහන් මාළාවේ දිස්‍ත්‍රික් මට්ටමින් සාර්ථකව අවසන් කරන ලද පුහුණුකරුවන්ද මෙහිදී ඇගැයීමකට ලක් කෙරෙනු ඇත.

බන්දුල මොල්ලිගොඩ

-The opinions expressed here are the views of the writer and do not necessarily reflect the views and opinions of Sri Lanka Cricket-

Related posts

කොදෙව්වෝ එක්දින තරගාවලි පරාජයේ වාඩුව ගනිති

Chamila Karawita

ශ්‍රී ලංකා යොවුන් පිල පළමු ජය වාර්තා කරයි

Web Admin

West Indies arrive for 3 ODIs and 2 T20Is vs. Sri Lanka

Web Admin