Featured LPL Media Centre News

අපරාජිත ජැෆ්නා ස්ටැලියන්ස් අංක 1 ට

“My11Circle ලංකා ප්‍රිමියර් ලීග්” පන්දුවාර විස්සයි-20 ක්‍රිකට් ක්‍රිකට් තරගාවලියේ තරග 8 ක් අවසානයේ එම ප්‍රසාද ලකුණු පුවරුවේ පෙරමුණ ගැනීමට තිසර පෙරේරාගේ නායකත්වයෙන් යුතු ජැෆ්නා ස්ටැලියන්ස් කණ්ඩායම සමත්වී තිබේ.

මෙතෙක් තරග වැදුණු තරග 3ම ජය ගෙන සිටින ජැෆ්නා ස්ටැලියන්ස් කණ්ඩායම තරගාවලියේ රැඳී සිටින එකම අපරාජිත කණ්ඩායම වේ. ප්‍රසාද ලකුණු 6 ක් හිමිකරගනිමින් පෙරමුණේ පසුවන ජැෆ්නා ස්ටැලිය්න්ස් පිළේ දළ ලකුණු ලබා ගැනීමේ වේගය 2.098 ක් ලෙස සටහන් වේ.

මෙතෙක් තරග 3 කට ක්‍රීඩා කර ඇති කලම්බු කිංග්ස් සහ දඹුල්ල වයිකින්ස් ජයග්‍රහණ 2 බැගින් වාර්තා කොට එම සටහනේ දෙවැනි සහ තෙවැනි ස්ථාන වල පසුවේ. දෙපිළේම ප්‍රසාද ලකුණු සංඛ්‍යාව 4 ලෙසින් සටහන් වුවත් දසුන් ශානකගේ දඹුල්ල කිංග්ස්ට වඩා වැඩි ලකුණු වේගයක් රඳවා ගැනීමට ඇන්ජලෝ මැතිව්ස්ගේ නායකත්වයෙන් යුතු කලම්බු කිංග්ස් පිල සමත්වීම නිසා ඔවුන්ට දෙවැනි ස්ථානය හිමිව තිබේ.

තරගාවලියේ වැඩිම තරග සංඛ්‍යාවකට ක්‍රීඩා කොට ඇත්තේ කුසල් පෙරේරාගේ නායකත්වයෙන් යුතු මහනුවර ටස්කර්ස් පිල වේ. ඔවුහු තරග 4 කට සහභාගි වුවද ඉන් ජය ලබා ඇත්තේ එක් තරගයක් පමණක් වන අතර තරග 3 ක් පරාජයට පත්ව තිබේ. පරාජය වූ තරග අතරින් කලම්බු කිංග්ස් පිලට සහ දඹුල්ල වයිකිංග්ස් ට එරෙහි තරග 2 ම දැඩි සටනක් ලබා දෙමින් ජයග්‍රහණයේ අභියසටම පැමිණීම කැපී පෙනුණි.

මෙතෙක් සහභාගි වුණු තරග 3 න් 3 ම පරාජයට පත්ව සිටින ශහිඩ් අෆ්රිඩිගේ නායකත්වයෙන් යුතු ගොල් ග්ලැඩියේටර් පිල එම සටහනේ අවසන් ස්ථානයේ පසුවේ.

Related posts

කොරෝනාට එරෙහි උපකරණයක් මිලදීගැනීමට ක්‍රිකට් ක්‍රීඩකයෝ මුදලින් දායකත්වය දක්වති

Web Admin

Hashan Tillekeratne, Head Coach of Kandy Tuskers heady lending weight

Web Admin

Sripali Weerakkody Retires from International Cricket

Web Admin